ဆောင်ရွက်မှုများ
ကုန်းလမ်းပို့ဆောင်ရေး

ကုန်းလမ်းပို့ဆောင်ရေးနှင့်အကျိုးတူပူးပေါင်း၍ ပို့ဆောင်ရေးလုပ်ငန်းများ ဆောင်ရွက်ရန်

ပြည်တွင်း/ပြည်ပ ကုမ္ပဏီ(၃)ခု ရွေးချယ်ခံရ

၁၅-၇-၂၀၁၃

ရထားပို့ဆောင်ရေးဝန်ကြီးဌာန၊ ကုန်းလမ်းပို့ဆောင်ရေးနှင့် အကျိုးတူပူးပေါင်းဆောင်ရွက်ရေး လုပ်ငန်းစဉ်ပထမအဆင့်အဖြစ် ပြည်တွင်းကုမ္ပဏီ(၂)ခုနှင့် ပြည်ပ ကုမ္ပဏီ(၁)ခုတို့အား ရွေးချယ်ခဲ့ပါသည်။ ပြည်တွင်းကုမ္ပဏီ(၂)ခုမှာ Forever Green Right Services Co., Ltd. နှင့် မိုးသောက်နှင်း ကုမ္ပဏီ လီမိတက် တို့ ဖြစ်ပြီး ပြည်ပကုမ္ပဏီမှာ ကိုရီးယားသမ္မတနိုင်ငံမှ Busan Express Bus Terminal Co., Ltd. တို့ဖြစ်ကြောင်း၊ ကျန်ရှိသည့် ဆွေးနွေးဆဲကုမ္ပဏီ များကိုလည်း ပို့ဆောင်ရေးလုပ်ငန်း ဆောင်ရွက်မည့်အပေါ်အခြေခံ၍ ဆက်လက်ဆွေးနွေးစိစစ်ရွေးချယ် ဆောင်ရွက်သွားမည်ဖြစ်ကြောင်းနှင့် ထပ်မ၍ အကျိုးတူ ပူးပေါင်းဆောင်ရွက်လိုသော ပြည်တွင်းပြည်ပ ကုမ္ပဏီများအနေဖြင့် ကုန်းလမ်းပို့ဆောင်ရေးရုံးချုပ်၊ နေပြည်တော် ( ဖုန်းအမှတ် ၀၆၇-၄၀၅၀၃၇၊ ၄၀၅၄၁၂ ) တို့သို့ ဆက်သွယ်နိုင်ပါသည်။

 

ကုန်းလမ်းပို့ဆောင်ရေးနှင့် အကျိုးတူ ဆောင်ရွက်လိုသည့် ပြည်တွင်း၊ ပြည်ပ ကုမ္ပဏီများအား ရထားပို့ဆောင်ရေးဝန်ကြီးဌာန

ရင်းနှီးမြှုပ်နှံမှု စိစစ်ရေးကော်မတီမှ တွေ့ဆုံခြင်း

၂၀၁၃ ခုနှစ် ဧပြီလ (၂၃)(၂၅)ရက်များတွင် ရထားပို့ဆောင်ရေးမှတာဝန်ရှိသူများသည် ကုန်းလမ်းပို့ဆောင်ရေးနှင့်အကျိုးတူလုပ်ငန်းများ ဆောင်ရွက်ရန် အဆိုပြုလာ သော ပြည်တွင်းကုမ္ပဏီ(၈)ခု၊ ပြည်ပကုမ္ပဏီ(၅)ခု၊ စုစုပေါင်း ကုမ္ပဏီ(၁၃)ခုတို့ဖြင့် တွေ့ဆုံ၍ ၀န်ကြီးဌာန၏ ရည်ရွယ်ချက်၊ ရင်းနှီးမြှုပ်နှံမှုများတွင် ပွင့်လင်းမြင်သာသော လုပ်ငန်းများဖြစ်စေရန် ဆွေးနွေးခဲ့ရာ ကုန်းလမ်းပို့ဆောင်ရေးနှင့် JV လုပ်ငန်းဆောင်ရွက်မည့် ကုမ္ပဏီ(၁၀)ခု၊ BOT ဆောင်ရွက်မည့် ကုမ္ပဏီ(၂)ခု နှင့် ချေးငွေဖြင့် ဆောင်ရွက်လိုသည့် ကုမ္ပဏီ(၁)ခု ပါဝင်ခဲ့ပါသည်။ ကုမ္ပဏီများအနေဖြင့် ခရီးသည်နှင့် ကုန်စည်ပို့ဆောင်ရေး၊ ယာဉ်ပြင်အလုပ်ရုံများ၊ အဆင့်မီယာဉ်မောင်းသင်တန်းများ ဖွင့်လှစ်ခြင်း အပါအ၀င် ကုန်းလမ်းပို့ဆောင်ရေးဝန်ထမ်းများအား အကျိုးတူလုပ်ငန်းများတွင် တာဝန်ပေးအပ်နိုင်ရေး ဆွေးနွေးခဲ့ပါသည်။